A Escola prepara os próximos dous números da Regap
Publicacións / Xoves, 21 de Xaneiro de 2016.
Esta tarde reuniuse o consello de redacción da Revista Galega de Administración Pública, dirixida por Sonia Rodríguez-Campos e coordinada por Marcos Almeida, coa finalidade de aprobar os contidos dos números 50 e 51 da dita publicación.
Nas páxinas desta publicación, nacida no ano 1992, ofrécese unha visión rigorosa e experta a través de artigos científicos que tratan temas relacionados coa Administración autonómica e local, a función pública ou a ciencia da Administración.
Deste xeito, a Regap propón un repaso pola actualidade lexislativa e xurisprudencial con artigos elaborados por expertos na materia, que son revisados polo consello de redacción.