A Escola Galega de Administración Pública convoca no DOG do 11 de abril un curso monográfico sobre boas prácticas para unha atención humanizada ás persoas en centros residenciais da Administración pública. Con este curso perséguese o obxectivo de formar ao persoal dos centros residenciais para que poidan levar a cabo unha atención individualizada e adquiran as capacidades en estratexias e habilidades de intervención que contribúan a mellorar a atención ás persoas residentes nalgunha institución da Administración pública ou usuarios de centros de día.
Destinatarios: persoal das administración públicas de Galicia que intervén na atención de persoas maiores en centros residenciais da Administración pública, ben sexa de forma directa ou desde postos de coordinación e dirección.
Código: PU16009
Lugar: EGAP, rúa Madrid 2-4, Santiago de Compostela
Duración: 15 horas
Datas: 27 de abril; 4, 11, 18 e 25 de maio
Horario: de tarde
Prazas: 35
Matrícula: a través da
zona de matrícula da EGAP desde as 08.00 horas do día 12 de abril ata as 23.00 horas do día 20 de abril de 2016
Para máis información: 981 546 241 ou 981 546 239