O próximo 6 de maio a EGAP organizará en Pontevedra unha xornada sobre a Lei 10/2014, de accesibilidade de Galicia e a Convención internacional sobre os dereitos das persoas con discapacidade 2006: aplicación e control polas administracións públicas.
O obxectivo principal desta actividade é afondar no estudo do texto legal para un mellor tratamento da accesibilidade, en especial nas relacións cidadán-Administración.
Esta xornada vai destinada aos empregados das administracións públicas de Galicia, tanto autonómica como local, das universidades do Sistema universitario de Galicia, persoal das entidades do sector público, xuristas, profesionais e persoas interesadas en xeral.
Lugar: Edificio Administrativo da Delegación Territorial da Xunta de Galicia en Pontevedra, avenida Fernández Ladreda, 43.
Data: 6 de maio.
Horario: mañá e tarde.
Duración: 6 horas lectivas.
Inscrición: desde o 14 de abril ata as 11 horas do 5 de maio a través da
área de matrícula da web da EGAP
Máis información nos teléfonos 981 54 62 41/981 54 62 39, no
DOG do 13 de abril e na
ficha do curso