A través do convenio de colaboración asinado entre a Escola Galega de Administración Pública e o Instituto Galego de Seguridade e Saúde Laboral (Issga) convócase un curso de prevención de riscos laborais en actividades de tempo libre.
Esta actividade vai dirixida a empregados públicos, traballadores por conta allea ou autónomos, empresarios e aquelas persoas con inquietudes no ámbito da prevención de riscos laborais, en particular na organización e xestión de actividades de tempo libre.
Para inscribirse no curso deberán facelo a través da
zona de matrícula da EGAP desde as 09.00 horas do día 14 de abril ata as 23.55 horas do día 23 de abril de 2016.
Unha vez recibidas as solicitudes, asignaranse as prazas do curso tendo en conta os seguintes
criterios de prioridade nesta orde:
1º Posuír o título de monitor/a ou director/a de tempo libre
2º Ter o carné xove en vixencia
3º A orde de inscrición
Código: CV16013
Edicións: 1
Duración: 60 horas
Prazas: 30
Modalidade: teleformación
Datas: do 3 de maio ao 30 xuño de 2016
Proba final presencial: 30 de xuño ás 10.00 horas
Para máis información: 981 546 257, 981 546 254 e 981 546 335 ou no enderezo de correo electrónico xestion.egap@xunta.gal