Os días 6 e 7 de xuño terá lugar na EGAP un curso monográfico que servirá para reflexionar sobre a situación actual do noso modelo urbanístico, os seus problemas, conflitos e posibles solucións. Ademais, pretende amosar unha visión de conxunto sobre solucións da nosa contorna comunitaria ante os principais problemas urbanísticos, afondando e debatendo sobre as súas consecuencias.
Estas cuestións serán analizadas desde un punto de vista global por expertos dos ámbitos académico, xudicial e administrativo, coa finalidade de que cada un deles achegue as súas experiencias e coñecementos, intentando entre todos propoñer posibles melloras para que sexan adoptadas nas actuacións futuras de cara á consecución du urbanismo sustentable.
Lugar: EGAP, Santiago de Compostela
Datas: 6 e 7 de xuño
Horario: mañá e tarde
Duración: 18 horas lectivas
Inscrición: a través da
zona de matrícula da EGAP desde o 14 de maio ata as 23 horas do 1 de xuño
Máis información na
ficha do curso
Organizan a Escola Galega de Administración Pública, a Axencia de Protección da Legalidade Urbanísica, a Dirección Xeral de Administración Local e o Observatorio Internacional da Regulación das Entidades do Sector Público.