A Escola Galega de Administración Pública convoca un curso no que se tratarán as principais cuestións referentes ao proceso de xestión de instalacións deportivas, facendo fincapé nos aspectos económicos e lexislativos desde un punto de vista práctico.
Destinatarios: persoal de institucións, asociacións e instalacións deportivas -tanto públicas coma privadas- con responsabilidade na xestión de instalacións deportivas; persoal de empresas e asociacións organizadoras de eventos e actividades; estudantes de posgrao e grao que desexen unha formación especializada en materia de economía e dereito deportivo; deportistas e persoas interesadas na materia.
Prazas: 50
Duración: 40 horas lectivas (7 sesións presenciais de 4 horas, unha visita a unha instalación deportiva de 2 horas e 10 horas non presenciais de traballo autónomo do alumnado.
Datas: do 26 de xaneiro ao 16 de marzo
Horario: os xoves, das 16 ás 20 horas
Lugares: o curso poderá seguirse de xeito presencial desde a sede da EGAP, en Santiago de Compostela, ou a través de videoconferencia desde as delegacións territoriais de A Coruña, Lugo, Ourense, Pontevedra e Vigo.
Inscrición: desde as 8 horas do 17 de decembro ata as 23 horas do 12 de xaneiro en
http://egap.xunta.gal/matricula Ademais, as persoas solicitantes deberán enviar dentro do prazo de matrícula a novas.egap@xunta.gal o seu
CV e unha
carta de motivación -cunha extensión máxima de 2 páxinas- na que manifesten o seu interese persoal no curso. No mesmo correo deberán indicar o
lugar elixido para seguir o curso.
Máis información no
DOG do 16 de decembro ou na
ficha do curso.