A EGAP publica no DOG do 17 de febreiro a primeira convocatoria de actividades de formación continua para o persoal ao servizo da Administración pública da Comunidade Autónoma de Galicia. Nela ofértanse un total de 255 actividades formativas e 9738 prazas.
Destinatarios:
-
os empregados públicos e as empregadas públicas destinados na Administración da Comunidade Autónoma de Galicia
-
o persoal que presta servizos nas entidades instrumentais do sector público autonómico de Galicia e nas institucións públicas autonómicas poderá acceder a todas as actividades formativas desta convocatoria nas que queden prazas vacantes
-
cando así o estableza a epígrafe "destinatario" dunha actividade concreta, poderán acceder empregados públicos pertencentes a outras entidades, organismos e institucións públicas
Matrícula: en
http://egap.xunta.gal/matricula desde as 8 horas do 18 de febreiro ata as 14 horas do 27 de febreiro. O persoal das entidades instrumentais de Galicia e das institucións públicas autonómicas deberá enviar a xestion.egap@xunta.gal, dentro do prazo de matrícula, un certificado que indique a súa situación administrativa, o tipo de persoal e a antigüidade na Administración.
Número de solicitudes: un máximo de seis por persoa para esta convocatoria
A listaxe de actividades convocadas pode consultarse no
DOG do 17 de febreiro.