Grazas ao convenio de colaboración subscrito entre a Escola Galega de Administración Pública (EGAP) e o Instituto Galego de Seguridade e Saúde Laboral (Issga) para o desenvolvemento de actividades de formación, divulgación e investigación, convócase un curso de prevención de riscos laborais.
Destinatarios: empregados públicos, traballadores por conta allea ou autónomos, empresarios e aquelas persoas con inquietudes no ámbito da prevención de riscos laborais.
Modalidade: teleformación
Duración: 60 horas
Edicións: tres
Datas: do 25 de abril ao 22 de xuño de 2017
Proba final presencial: o día 22 de xuño ás 10.00 horas nos centros territoriais do Issga da Coruña, Lugo, Ourense e Pontevedra e na sede da EGAP en Santiago de Compostela.
Prazas: 50 por edición
Matrícula: desde as 9 horas do 27 de marzo ata as 23.55 horas do 5 de abril en
http://egap.xunta.gal/matricula
Terán preferencia no proceso de selección os delegados de prevención, traballadores designados e empresarios que asuman as funcións de prevención de riscos laborais na súa empresa (deberán achegar a issga.cursoprl@xunta.gal dentro do prazo de presentación de solicitudes a documentación que o acredite).