A EGAP convoca un curso superior presencial, cunha duración de 45 horas, para abordar o estudo das modificacións do réxime xurídico das administracións públicas e do procedemento administrativo común desde unha perspectiva práctica. Esta actividade combinará en cada sesión a análise, o estudo e o debate dos temas propostos coa resolución de supostos prácticos.
Destinatarios: persoal funcionario dos subgrupos A1 e A2 e persoal laboral dos subgrupos I e II. No caso de non cubrirse a totalidade das prazas convocadas, as vacantes que resulten poderán ser cubertas por profesionais que estean en posesión do título de doutor/a, licenciado/a, diplomado/a, grao, arquitecto/a, enxeñeiro/a, arquitecto/a técnico/a e enxeñeiro/a técnico/a.
Prazas: 100
Duración: 45 horas
Datas: do 3 de maio ao 29 de xuño
Horario: todos os mércores e xoves en horario de tarde, agás os días 17, 18 e 25 de maio
Importe: 100 euros para os destinatarios que non teñan a condición de persoal empregado público
Matrícula: desde as 8 horas do 19 de abril ata as 23 horas do 24 de abril en
http://egap.xunta.gal/matricula
Todas as persoas solicitantes, agás o persoal empregado público ao servizo da Administración autonómica ou de xustiza, deberán enviar, dentro do prazo de inscrición, un correo electrónico dirixido a novas.egap@xunta.gal, achegando a certificación acreditativa do grupo de destinatarios a que pertencen ou, de ser o caso, unha copia debidamente cotexada do título.
A admisión ao curso virá determinada pola data de presentación das solicitudes.
Máis información no
DOG do 18 de abril.