Durante a inauguración da actividade, Sonia Rodríguez-Campos fixo fincapé no concepto de comunicación como un factor fundamental para mellorar a Administración pública, sendo unha das ferramentas máis importantes coas que contamos no ámbito profesional para mellorar o servizo que se lle ofrece á cidadanía.

Esta actividade, segundo palabras da directora da EGAP, reflicte “unha vez máis a aposta do organismo por afianzar a formación dos empregados públicos na área de comunicación, organización do traballo e mellora das habilidades. Desde a Escola cremos esencial contribuír ao desenvolvemento das competencias comunicativas dos traballadores da Administración, proporcionándolles as ferramentas e as estratexias necesarias para dar o mellor servizo á cidadanía”.

O curso consta de catro sesións, cun total de 15 horas lectivas, nas que os 35 participantes mellorarán as súas competencias comunicativas, desenvolverán novas habilidades sociais e aumentarán o seu autocoñecemento e a súa motivación.