Este curso resulta esencial para todo o persoal ao servizo de calquera das administracións públicas encargado do estudo e aprobación de plans urbanísticos, en especial para o persoal ao servizo da Administración local encargado da elaboración do planeamento municipal, da tramitación das licenzas urbanísticas, da súa concesión, ao persoal dos seus servizos xurídicos, aos membros das súas escalas de arquitectos/as, enxeñeiros/as, arqueólogos/as ou membros dos colexios profesionais de arquitectos/as, avogados/as e enxeñeiros/as.

Persoas destinatarias: persoal empregado público, en situación de servizo activo ou asimilada, das administracións públicas de Galicia, tanto autonómica como local e de xustiza, dos entes instrumentais da Comunidade Autónoma, das universidades do Sistema universitario de Galicia, profesionais e persoas interesadas en xeral.
Lugar: EGAP, Santiago de Compostela
Data: martes, 21 de novembro
Horario: mañá e tarde
Duración: 8 horas lectivas
Inscrición: desde as 8 horas do 7 de novembro ata as 23 horas do 13 de novembro en http://egap.xunta.gal/matricula. Excepto as persoas que pertenzan á Administración autonómica ou á Administración de xustiza, todos/as os/as solicitantes deberán enviar un correo a novas.egap@xunta.gal e achegar a certificación acreditativa da súa condición de persoal empregado público e do grupo e/ou categoría a que pertencen.

Máis información no DOG do 6 de novembro ou na ficha do curso.