A EGAP debate sobre a percepción social da xustiza nunha xornada
Xornadas / Martes, 17 de Abril de 2018.
A Escola Galega de Administración Pública (EGAP) acolleu hoxe unha xornada na que se analizou polo miúdo a relación entre a Xustiza e a opinión pública.
Ao longo do día, profesionais dos ámbitos xurídico e xornalístico debateron ao redor de temas coma os dereitos de opinión e información fronte ás actuacións xudiciais, a percepción social da xustiza ou a linguaxe xudicial.
Esta xornada presentou como principal finalidade dar a coñecer a realidade que rodea ao Poder Xudicial como encargado da impartición de xustiza a nivel social e tamén respecto de posibles interaccións que deban levar a cabo con outros sectores vinculados.