Este concurso ten como finalidade concienciar ás nenas e aos nenos galegos da necesidade de fomentar a dinamización da nosa lingua e de coñecer e divulgar a cultura que ao seu través nos transmitiron os nosos devanceiros. 

Por esta razón, como un máis dos actos que a Escola organizará ao longo de 2019 para honrar ás letras galegas e especialmente a Antón Fraguas convocarase un concurso de literatura infantil e xuvenil dirixido aos rapaces e rapazas de entre 9 e 14 anos, distribuídos en dúas categorías (de 9 a 11 e de 12 a 14).

En cada categoría existirán tres premios en metálico coa seguinte dotación económica:

	De 9 a 11 anos	De 12 a 14 anos
1º premio	250 euros	250 euros
2º premio	200 euros	200 euros
3º premio	150 euros	150 euros

Os contos deberán ser redactados en lingua galega e a súa temática será libre. Os textos deberán ser presentados en folios A4, mecanografados por unha soa cara, a un espazo e medio, con formato de fonte Times New Roman, tamaño 12 e cunha extensión mínima dun folio e máxima de cinco.