Esta nova publicación incluirá entre as súas páxinas varios estudos sobre temas tan actuais en torno ao sector público coma a situación do sector das renovables en Galicia tras a reforma eléctrica, a protección do patrimonio cultural desde o dereito urbanístico, as cuestións xurídicas en torno á celebración dunha consulta popular municipal, as novidades laborais da Lei de contratos do sector público ou os efectos da regularización voluntaria en vía administrativa e en vía penal tras a Lei orgánica 7/2012, entre outros.

Revista Galega de Administración Pública
A REGAP, que iniciou a súa andaina en 1992, estrutúrase ao xeito clásico das publicacións deste tipo con estudos doutrinais, xurisprudenciais e normativos. Na actualidade, dedícase a temas de actualidade co fin de analizar e achegar a contribución dos máximos e máis destacados especialistas en temas como o dereito autonómico, as novas tecnoloxías, os retos da Administración no século XXI, o estatuto dos empregados públicos ou a ordenación do territorio e o medio.