Dentro da iniciativa Universo EGAP innova, a EGAP convoca no DOG do venres 20 de setembro o primeiro dos E-martes, un proxecto de formación práctica dixital que ten como finalidade facilitar a implantación da Administración electrónica e fomentar cambios substanciais nos procedementos de traballo e de xestión por competencias.
Así, os E-martes proporcionarán formación práctica presencial ao persoal empregado público da Administración autonómica e á cidadanía nas transformacións tecnolóxicas, organizativas e lexislativas derivadas da implantación da administracion dixital.
A primeira xornada terá lugar o próximo
1 de outubro en horario de mañá e tarde na sede da EGAP, en
Santiago de Compostela, e abordará desde unha perspectiva práctica "O Rexistro electrónico na Xunta de Galicia", facendo fincapé nos seguintes contidos:
-
O Sistema único de rexistro da Xunta de Galicia (SUREX): Sistema de recepción electrónica (Rexel) e Sistema de interconexión de rexistros (SIR)
-
A Sede electrónica da Xunta de Galicia
Destinatarios: o persoal empregado público, en situación de servizo activo ou asimilada, da Administración autonómica galega e dos seus entes instrumentais, así como a profesionais e persoas interesadas en xeral. No caso do persoal empregado público priorizarase a inscrición daquelas persoas solicitantes que poidan xustificar debidamente que as súas funcións están directamente relacionadas coa materia impartida.
Horario: de 11h a 14h e de 16h a 19h
Número de prazas: 50
Inscrición: desde as 8 horas do 21 de setembro ata as 23.55 horas do 25 de setembro en
https://egap.xunta.gal/matricula
Máis información no
DOG do 20 de setembro e na
ficha da xornada.