Escola Galega de Administración Pública
Xunta de Galicia - Vicepresidencia e Consellería de Presidencia, Administracións Públicas e Xustiza
Mapa web   |   Accesibilidade   |   Contacto
EGAP EGAPFORMACIÓN MULTIMEDIA ACTUALIDADE COÑECEMENTO
  • Imagen 1 de 7   Imagen 2 de 7  

    A EGAP acolle unha xornada para loitar contra a aporofobia e a desinformación dende a Administración pública

    Xornadas / Xoves, 20 de Febreiro de 2020.

    A Escola Galega de Administración Pública (EGAP) acolleu hoxe a xornada Como loitar contra a aporofobia, o odio e a desinformación dende a Administración pública, unha actividade organizada en colaboración con EAPN-Galicia co obxectivo de prever calquera situación de discriminación que se poida dar por mor dos prexuízos existentes cara ás persoas en situación de pobreza ou exclusión social.


    A xornada, á que asistiron máis de 200 persoas, foi inaugurada polo director xeral de Inclusión Social, Arturo Parrado, e pola directora da EGAP, Sonia Rodríguez-Campos.

    Durante o acto inaugural a directora da Escola destacou a importancia que teñen as diferentes institucións públicas para loitar contra a desinformación a través do traballo dos seus profesionais. Nesta liña, lembrou o papel da Administración para combater as falacias sobre as persoas en exclusión que abundan no discurso social. Para conseguilo, incidiu Sonia Rodríguez-Campos, as institucións teñen a responsabilidade de facer as achegas necesarias para evitar calquera situación de discriminación, ofrecendo unha información veraz á sociedade que permita construír novos discursos respectuosos con todas as realidades.

    Ademais, a directora do organismo lembrou que xornadas coma esta resultan fundamentais para mellorar a atención que se ofrece dende a Administración pública a aquelas persoas con escaseza de recursos co fin de evitar ou reducir os efectos negativos que provoca a exclusión social.

    Pola súa banda, o director xeral de Inclusión Social, Arturo Parrado, sinalou que a loita contra a discriminación das persoas máis vulnerables debe de continuar na axenda das administracións públicas. Neste sentido, defendeu a necesidade de incrementar coñecemento e a sensibilización fronte aos estereotipos e os prexuízos que aínda persisten na actualidade.

    A xornada
    A xornada incluíu o relatorio de Sara Mesa, autora do libro Silencio administrativo, no que debateu sobre a relación entre burocracia e aporofobia. Ademais, diversos profesionais na materia trataron polo miúdo temas coma a discriminación colectiva e individual, os agravantes de aporofobia e a comunicación dos dereitos sociais. A actividade completouse cunha exposición dos recursos dispoñibles para atender ás persoas en exclusión social, tanto en España coma en Galicia.
  •   Anterior Seguinte  
    Pax 844 de 878
SIGUENOS ...
 
Matrícula
 
AULA VIRTUAL
 
CONTIDOS RELACIONADOS
 
CONTACTO
© Xunta de Galicia. Información mantida e publicada na internet pola Xunta de Galicia
Oficina de Rexistro e Información | Suxestións e queixas | Aviso legal | Atendémolo/a | RSS
Turismo de Galicia