A EGAP convoca para o 19 de novembro un webinario sobre o persoal funcionario interino impartido no marco do ciclo de conferencias titulado Presente e futuro do emprego público na Administración post COVID.
Obxectivos: analizar a temporalidade na Función Pública, un dos principais retos a que se enfrontan hoxe en día as administracións públicas en España, tal e como demostran os actuais traballos de reforma do Estatuto básico do empregado público neste punto. Ademais da equiparación de réximes xurídicos entre o persoal funcionario de carreira e o persoal funcionario interino, identificando o que é propio de cada un deles en función da súa natureza, o maior reto vén dado pola laxitude das relacións temporais funcionariais, particularmente en ámbitos como a sanidade, a educación ou a Administración local. O seminario analiza o réxime xurídico do persoal funcionario interino, partindo das circunstancias que amparan o seu nomeamento e abordando tanto as solucións adoptadas para paliar a temporalidade como as posibles transformacións en indefinidas de interinidades ou os propios procesos de estabilización.
Persoas destinatarias: o persoal empregado público, en situación de servizo activo ou asimilada, da Administración autonómica e dos seus entes instrumentais e da Administración local da Comunidade Autónoma de Galicia.
Data: xoves, 19 de novembro
Modo de impartición: telepresenza
Horario: de 12.00 a 13.30 horas
Duración: 1,5 horas lectivas
Número de prazas: 60
Inscrición:
dende as 8 horas do 13 de novembro ata as 23.55 horas do 16 de novembro en
https://egap.xunta.gal/matricula