A EGAP convoca dúas xornadas de formación práctica dixital (e-martes) os días 4 e 18 de maio coa finalidade de finalidade proporcionar formación práctica presencial ao persoal empregado público da Administración autonómica galega e á cidadanía nas transformacións tecnolóxicas, organizativas e lexislativas derivadas da Administración electrónica.
Contidos:
-
Notificacións electrónicas. Sistema de notificacións electrónicas de Galicia-Notifica.gal
-
Identificación dixital (certificados dixitais e Chave).
-
Sede electrónica.
A formación será impartida nunha primeira parte teórica e común aos dous grupos de persoas destinatarias e nunha posterior parte práctica adaptada a cada grupo nas aulas de informática da escola.
Persoas destinatarias:
-
O persoal empregado público, en situación de servizo activo ou asimilada, da Administración autonómica galega e dos seus entes instrumentais. Neste grupo de persoas destinatarias priorizarase a inscrición daquelas persoas solicitantes que poidan xustificar debidamente que as súas funcións están directamente relacionadas coa materia impartida.
-
A cidadanía: profesionais e persoas interesadas no manexo das aplicacións descritas na súa relación coa Administración.
Lugar: Escola Galega de Administración Pública (EGAP), rúa Madrid, 2-4, Santiago de Compostela.
Datas: os martes 4 e 18 de maio
Horario: mañá e tarde
Duración: 6 horas lectivas cada xornada
Número de prazas:
-
Persoal empregado público: 16.
-
Cidadanía: 13.
Inscrición:
-
Para a xornada do 4 de maio: desde as 8 horas do 21 de abril ata as 23.55 horas do día 26 de abril
-
Para a xornada do 18 de maio: desde as 8 horas do 21 de abril ata as 23.55 horas do día 10 de maio