A Escola convoca os e-martes do mes de outubro, centrados na contratación
Xornadas / Luns, 27 de Setembro de 2021.
Os martes 5 e 19 de outubruo terán lugar na EGAP, en Santiago de Compostela, dúas novas xornadas de formación práctica dixital (E-martes) que abordarán a contratación pública de Galicia a través dunha parte teórica común aos dous grupos de persoas destinatarias e dunha posterior parte práctica adaptada a cada grupo nas aulas de informática da escola.
Persoas destinatarias:
-
O persoal empregado público, en situación de servizo activo ou asimilada, da Administración autonómica galega e dos seus entes instrumentais. Neste grupo de persoas destinatarias priorizarase a inscrición daquelas persoas solicitantes que poidan xustificar debidamente que as súas funcións están directamente relacionadas coa materia impartida.
-
A cidadanía: profesionais e persoas interesadas no manexo das aplicacións descritas na súa relación coa Administración.
Lugar: Escola Galega de Administración Pública (EGAP), rúa Madrid, 2-4, Santiago de Compostela.
Datas: os martes 5 e 19 de outubro
Horario: mañá e tarde.
Duración: 7 horas lectivas cada xornada.
Número de prazas.
-
Persoal empregado público: 16.
-
Cidadanía: 13.
Matrícula:
-
Para a xornada E-martes que se desenvolverá o día 5 de outubro: desde as 8 horas do 28 de setembro ata as 23.55 horas do 30 de setembro
-
Para a xornada E-martes que se desenvolverá o día 19 de outubro: desde as 8 horas do 28 de setembro ata as 23.55 horas do 14 de outubro