A xornada, que terá lugar en Santiago, constará dunha parte teórica común aos dous grupos de persoas destinatarias e titulada “De rexistro a rexistro electrónico: pezas clave para a Administración electrónica” e dunha posterior parte práctica adaptada a cada grupo nas aulas de informática:

• Persoal empregado público: sede electrónica da Xunta de Galicia. Chave 365. Rede de oficinas de atención á cidadanía e de rexistro: Intranet (espazo dixital de referencia para o persoal da Administración autonómica), Aires (aplicación informática de rexistro de entradas e saídas), Rexel (Recepción electrónica do Sistema Único de Rexistro) e SIR.

• Cidadanía: sede electrónica da Xunta de Galicia. Chave 365. Rede de oficinas de atención á cidadanía e de rexistro: eServizos, servizos nas oficinas e Sistema de interconexión de rexistros (SIR).

Personas destinatarias:

• O persoal empregado público, en situación de servizo activo ou asimilada, da Administración autonómica galega e dos seus entes públicos instrumentais. Neste grupo de persoas destinatarias priorizarase a inscrición daquelas persoas solicitantes que poidan xustificar debidamente que as súas funcións están directamente relacionadas coa materia impartida.

• A cidadanía: profesionais e persoas interesadas no manexo das aplicacións descritas na súa relación coa Administración.

Lugar: Escola Galega de Administración Pública (EGAP), Rúa Madrid, 2-4, Santiago de Compostela.
Data: Martes, 14 de decembro.
Horario: mañá e tarde.
Duración: 7 horas lectivas cada xornada.
Número de prazas:
     Persoal empregado público: 16
     Cidadanía: 13
Matrícula: Desde as 8 horas do 4 de novembro ata as 23.55 horas do 9 de decembro en https://egap.xunta.gal/matricula.