O obradoiro, enmarcado no proxecto Universo EGAP Innova, terá lugar o luns 29 de novembro e será impartido polo consultor Javier Vázquez Matilla.

Os obxectivos desta actividade serán:

• Comprender e coñecer todas as fases do procedemento de contratación.
• Ser capaz de redactar os documentos que compoñen o expediente de contratación.
• Alertar sobre as dificultades e principais incidencias da contratación pública.
• Determinar as esixencias de solvencia de forma adecuada.
• Diferenciar os tipos de criterios de adxudicación, coñecer os riscos e posibilidades de elección.
• Ser capaz de redactar un prego de condicións e coñecer as posibles vulnerabilidades e os defectos frecuentes.
• Comprender a dificultade de redactar un modificado previsto.
• Comprender como redactar condicións especiais de execución e, en relación con iso, coñecer as esixencias do Real Decreto Lei 14/2019, do 31 de outubro.
• Aprender cal é o contido mínimo dun documento de contrato.

Persoas destinatarias: o persoal empregado público, en situación de servizo activo ou asimilada, das Administracións públicas da Comunidade Autónoma de Galicia, dos seus entes instrumentais e das universidades do Sistema Universitario de Galicia, que presten servizo en unidades de contratación e que se encadren no grupo A (subgrupos A1 e A2) do persoal funcionario e nos grupos I e II do persoal laboral.
Lugar: EGAP, Santiago de Compostela.
Data: Luns, 29 de novembro de 2021.
Horario: de 09.00 a 14.30 horas.
Duración: 6 horas lectivas.
Número de prazas: 50.
Inscrición: desde as 8 horas do 18 de novembro ás 23.55 horas do 22 de novembro en https://egap.xunta.gal/matricula

Para máis información sobre o curso, prema aquí.