Cursos de formación en prevención de riscos laborais: primeiros auxilios, loita contra incendios e evacuación
A Escola / Venres, 7 de Outubro de 2022.
A través dun convenio de colaboración entre a Escola Galega de Administración Pública e Cualtis, S.L.U. convócanse varios cursos presenciais sobre prevención de riscos laborais en diferentes centros de traballo da provincia de Ourense.
Persoas destinatarias: persoal dos equipos de alarma e evacuación; de primeira intervención e de primeiros auxilios, así como o persoal que desempeñe a xefatura de emerxencia e/ou primeira intervención dos seguintes centros de traballo:
-
Servizo de Mobilidade, Ourense.
-
Servizo de Calidade e Avaliación Ambiental, Ourense.
-
Servizo de Patrimonio Natural, Ourense.
-
Distrito Ambiental XII, Ourense.
-
Oficinas de emprego do Carballiño, Ribadavia, Celanova, Xinzo de Limia, Verín e A Pobra de Trives.
-
Oficinas agrarias comarcais do Carballiño, Ribadavia, Celanova, Maceda, Castro Caldelas, A Pobra de Trives, Viana do Bolo, Xinzo de Limia, Verín e A Gudiña.
-
Centros sociocomunitarios do Carballiño, Ribadavia, Celanova, O Barco de Valdeorras, Verín, Xinzo de Limia e Petín.
Solicitudes: desde as 8 horas do 8 de outubro ata as 14 horas do 17 de outubro na área de matrícula.