Xornada de formación práctica dixital (E-martes) sobre o Rexistro Electrónico na Xunta de Galicia
A Escola / Martes, 2 de Maio de 2023.
En colaboración coa Axencia para a Modernización Tecnolóxica de Galicia e no marco da iniciativa Universo EGAP Innova, a EGAP convoca unha nova xornada de formación práctica dixital (E-martes) sobre o Rexistro Electrónico na Xunta de Galicia que terá lugar o 9 de maio.
Persoas destinatarias:
-
O persoal empregado público en situación de servizo activo ou asimilada da Administración xeral da Comunidade Autónoma de Galicia, dos seus entes públicos instrumentais e da Administración institucional. Neste grupo de persoas destinatarias priorizarase a inscrición daquelas persoas solicitantes que poidan xustificar debidamente que as súas funcións están directamente relacionadas coa materia impartida.
-
A cidadanía: profesionais e persoas interesadas na materia impartida.
Lugar: Escola Galega de Administración Pública (EGAP), rúa Madrid, 2-4, Santiago de Compostela.
Data: o martes 9 de maio
Horario: de mañá e tarde
Duración: 7 horas lectivas
Número de prazas: 45
Matrícula: desde as 9.00 horas do 3 de maio ata as 23.59 horas do día 4 de maio na área de matrícula da EGAP.