Convocados os cursos do Plan de formación do Servizo Público de Emprego de Galicia do ano 2023
Cursos / Luns, 19 de Xuño de 2023.
A Escola Galega de Administración Pública, a través dun convenio coa Consellería de Promoción do Emprego e Igualdade, convoca os cursos do Plan anual 2023 para o persoal do Servizo Público de Emprego de Galicia que forma parte do proxecto Plan de dormación permanente para o persoal do SNE (2021-2023), financiado pola Unión Europea-NextGenerationEU.
Persoal destinatario: o persoal funcionario e laboral das oficinas de emprego, da Dirección Xeral de Formación para o Emprego e Orientación, da Dirección Xeral de Relacións Laborais, da Dirección Xeral de Emprendemento e Apoio ao Emprego, da Secretaría Xeral de Apoio ao Emprego, Traballo Autónomo e Economía Social, así como o persoal da área de emprego das xefaturas territoriais da Consellería de Promoción do Emprego e Igualdade, que estea en situación de servizo activo (incluído o persoal que teña concedido un permiso por motivos de conciliación da vida persoal, familiar e laboral).
Solicitudes e prazos: desde as 9 horas do 20 de xuño ata as 23.55 horas do 27 de xuño na área de matrícula da EGAP. O número máximo de cursos que se poden solicitar durante o prazo de presentación de solicitudes limítase a tres.