Curso de formación sobre plans de autoprotección por incendios forestais
A Escola / Xoves, 31 de Agosto de 2023.
A Escola Galega de Administración Pública, a través dun convenio de colaboración coa Central Sindical Independente e de Funcionarios de Galicia (CSIF Galicia), convoca 8 edicións do curso sobre plans de autoprotección por incendios forestais.
Persoas destinatarias: O persoal empregado público da Administración da Comunidade Autónoma de Galicia que estea en servizo activo no prazo de presentación de solicitudes ou que estivera prestando servizos durante o ano 2022 ou 2023 en actividades principais ou auxiliares na defensa, prevención e/ou extinción de incendios forestais, tales como peóns forestais, bombeiros/as forestais, condutores/as de motobomba, emisoristas e vixiantes fixos, así como aquel que estea ou estivese gozando dun permiso por maternidade ou paternidade, adopción ou acollemento ou excedencia polo coidado dun/dunha fillo/a ou familiar.
Edicións: oito Prazas: 215
Modalidade: presencial
Datas: do 25 de setembro ao 27 de outubro de 2023.
Matrícula: desde as 9 horas do 1 de setembro ata as 23.55 horas do 10 de setembro na área de matrícula da EGAP.