Curso Modelización e axuste estacional de series de alta frecuencia
Cursos / Martes, 19 de Setembro de 2023.
A Escola Galega de Administración Pública, ao abeiro do Instituto de Economía Pública de Galicia, convoca un curso dirixido a ofrecer unha presentación detallada da metodoloxía e o software necesario para a modelización e o axuste estacional de series de moi alta frecuencia (diaria e semanal).
Persoas destinatarias: o persoal que presta servizos no Instituto Galego de Estatística (IGE). No caso de non se cubrir a totalidade das prazas convocadas, poderá acceder ás vacantes que resulten o persoal empregado público ao servizo da Administración xeral da Comunidade Autónoma de Galicia, das súas entidades públicas instrumentais e da Administración institucional.
Datas: 26 e 27 de setembro e 3 e 4 de outubro de 2023.
Horario: de mañá.
Modalidade de impartición: telepresenza.
Horas lectivas: 10
Prazas: 30
Matrícula: desde as 9.00 horas do 19 de setembro ata as 23.59 horas do día 21 de setembro na área de matrícula da EGAP.