Curso superior sobre o Plan Xeral de Contabilidade
Cursos / Xoves, 19 de Outubro de 2023.
A Escola Galega de Administración Pública, ao abeiro do Instituto de Economía Pública de Galicia, convoca un Curso superior sobre o Plan Xeral de Contabilidade que terá lugar en modalidade mixta (presencial e teleformación) entre o 30 de outubro e o 4 de decembro.
Obxectivos: adquirir ou, se é o caso, actualizar os coñecementos do alumnado no Plan Xeral de Contabilidade, prestando especial atención ás normas de rexistro e valoración.
Persoas destinatarias: o persoal empregado público, en situación de servizo activo ou asimilada da Administración xeral da Comunidade Autónoma de Galicia, das súas entidades públicas instrumentais e da Administración institucional; das entidades locais de Galicia; e das universidades do Sistema universitario de Galicia, con coñecementos básicos de contabilidade, que se encadre nalgunha das seguintes categorías: Grupo A (subgrupos A1 e A2) do persoal funcionario e grupos I e II do persoal laboral.
Modalidade de impartición: mixta.
Duración: 40 horas lectivas; 3 horas presenciais (das 11.30 ás 14.30 horas) no primeiro día do curso e 37 horas de teleformación.
Datas: do 30 de outubro ao 4 de decembro de 2023.
Proba de avaliación final en liña: o día 4 de decembro de 2023, ás 17.00 horas.
Prazas: 50
Matrícula: desde as 9 horas do 20 de outubro ata as 23.59 horas do 25 de outubro na área de matrícula.