O obxectivo principal deste webinario é abordar a responsabilidade patrimonial por danos como consecuencia das medidas administrativas impostas durante a COVID-19, partindo do seguinte esquema previo:

1. Ideas preliminares sobre a responsabilidade patrimonial por danos como consecuencia das medidas administrativas impostas durante a COVID-19.
2. Imputación subxectiva do dano causado e relación de causalidade.
3. Danos que o/a particular non teña o deber de soportar: antixuridicidade do dano.
4. Cuantificación do dano, por referencia ás ditas actividades e ás ditas disposicións.

Persoas destinatarias: o persoal empregado público, en situación de servizo activo ou asimilada, da Administración autonómica galega, das súas entidades públicas instrumentais e da Administración institucional; da Administración local, da Administración de xustiza e das universidades do Sistema universitario de Galicia.
Data: mércores 15 de novembro de 2023.
Modo de impartición: telepresenza.
Horario: das 12.00 ás 14.00 horas.
Duración: dúas (2) horas lectivas.
Prazas: 100
Inscrición: desde as 9.00 horas do 26 de outubro ata as 23.59 horas do día 9 de novembro na área de matrícula da EGAP.