A próxima publicación incluirá estudos sobre a nova lei do litoral galega, cun artigo de Adrián Agustín Vázquez Rodríguez titulado "A Lei de ordenación e xestión integrada do litoral de Galicia no Réxime constitucional de atribución de competencias entre Estado e comunidades autónomas", e sobre a reforma da Administración local, co texto de Manuel Arenilla Sáez "Deseos e realidades despois de 10 anos da reforma local".

Ademais, o número 66 incluirá os estudos "E se licitar non fora sempre a forma máis eficiente para proverse de bens e servizos?", de Silvia Díez Sastre, “É o dereito á protesta un novo dereito fundamental?", de Miguel Revenga Sánchez; e "A execución de sentenzas no caso Valdecañas", de Fernando González Botija e Carlos Coello Martín.

Completarán o número os comentarios de xurisprudencia contencioso-administrativa do maxistrado Francisco de Cominges Cáceres e o texto "Aplicación da LCSP de 2017 desde a súa promulgación", de santiago González-Varas Ibáñez, ademais da recensión de Belén Canedo Antelo sobre "As reservas demaniais. Instrumentos de utilización e conservación ambiental do dominio público, de Teresa M. Navarro Caballero".