Convocatoria do Curso para persoal delegado de protección de datos da Xunta de Galicia.
A Escola / Xoves, 11 de Abril de 2024.
Ao abeiro do convenio de colaboración subscrito no ano 2024 entre a Escola Galega de Administración Pública (en diante EGAP) e a Axencia para a Modernización Tecnolóxica de Galicia (en diante Amtega) convócase o Curso para persoal delegado de protección de datos da Xunta de Galicia.
Persoas destinatarias: Poderá participar na acción formativa convocada nesta resolución o persoal delegado de protección de datos nomeado (en diante DPD) ou cuxo nomeamento estea previsto a curto prazo, na Administración xeral da Xunta de Galicia, no sector público autonómico e órganos estatutarios. Tamén poderán participar as persoas que formen parte do equipo de apoio aos DPD nos ámbitos anteriormente indicados e outro persoal da Amtega con responsabilidades en materia de protección de datos que se atopen en situación de servizo activo
Matrícula: Dende as 9:00 horas do 12 de abril de 2024 ata 14:00 horas do 19 de abril na área de matrícula.