Convocatoria de cursos de linguaxe xurídica galega para persoal ao servizo da Administración de xustiza que preste servizos fóra da Comunidade Autónoma de Galicia para o ano 2024
A Escola / Martes, 7 de Maio de 2024.
A Escola Galega de Administración Pública convoca 2 actividades e 50 prazas correspondentes a formación en linguaxe xurídica galega.
Persoas destinatarias: Os cursos van dirixidos a maxistrados/as, xuíces/as, fiscais, letrados/as da Administración de Xustiza, médicos/as forenses, funcionarios/as dos corpos de Xestión Procesual e Administrativa, de Tramitación Procesual e Administrativa e de Auxilio Xudicial que na data desta resolución se atopen en situación de servizo activo (incluído o persoal que teña concedido un permiso por motivos de conciliación da vida persoal, familiar e laboral) fóra da Comunidade Autónoma de Galicia.
Matrícula: desde as 9:00 horas do 8 de maio de 2024 ata 14:00 horas do 20 de maio na área de matrícula. O número máximo de cursos que se poden solicitar durante o prazo de presentación de solicitudes limítase a un.