Escola Galega de Administración Pública
Xunta de Galicia - Consellería de Facenda e Administración Pública
Mapa web   |   Accesibilidade   |   Contacto
EGAP EGAPFORMACIÓN MULTIMEDIA ACTUALIDADE COÑECEMENTO
PU21001 - Webinario A carreira funcionarial na Administración galega
Imaxe Curso/Xornada

Este seminario web ten como obxectivo analizar o réxime vixente da carreira administrativa do funcionariado público, nas súas distintas modalidades de carreira horizontal e vertical e promoción interna, prestando especial atención á progresiva introdución da carreira horizontal, establecida polo EBEP e recollida na Lei do emprego público de Galicia.

Tal como explica a exposición de motivos desta Lei do emprego público de Galicia, dada a novidade e a complexidade da configuración dun sistema de promoción profesional deste tipo, que, ademais, non supuxo a supresión do sistema de carreira vertical e promoción interna xa existente, senón que se engade a el, a súa efectividade queda aprazada ao momento en que por vía regulamentaria se proceda ao seu desenvolvemento pormenorizado.

Non obstante, o número 4 engadido á disposición transitoria oitava desta lei pola Lei 3/2018, do 26 de decembro, introduciu un sistema transitorio de recoñecemento da progresión na carreira administrativa, complementario ao do grao persoal, que anticipa a futura implantación da carreira horizontal, e iso fai precisa a súa análise no contexto e desde a perspectiva referidos.

DESCARGAR DOCUMENTOS
Edicións
TELEPRESENZA
Localidade
TELEFORMACIÓN
Inicio
21/01/2021
Fin
21/01/2021
Prazas
60
Programa
Webinario A carreira funcionarial na Administración galega
Xoves, 21 de Xaneiro de 2021.

Obxectivo: analizar o réxime vixente da carreira administrativa do funcionariado público, nas súas distintas modalidades de carreira horizontal e vertical e promoción interna, prestando especial atención á progresiva introdución da carreira horizontal, establecida polo EBEP e recollida na Lei do emprego público de Galicia.

Contidos:
I. Introdución: antecedentes históricos da carreira administrativa do funcionariado público.
II. Ámbito de aplicación das normas da Lei do emprego público de Galicia sobre a carreira profesional e a promoción interna.
III. A carreira profesional dos funcionarios e as funcionarias de carreira.

III.1. Concepto e modalidades da carreira profesional.
III.2. A carreira horizontal na Lei do emprego publico de Galicia. O sistema transitorio de recoñecemento da progresión na carreira.
III.3. A carreira vertical: remisión aos sistemas de provisión de postos de traballo.
III.4. Relacións entre carreira horizontal e vertical.

IV. A promoción interna dos funcionarios e as funcionarias de carreira.

IV.1. A promoción interna vertical.
IV.2. A promoción interna horizontal.

V. Conclusións. Carreira profesional e avaliación do desempeño

Docente: Luis Míguez Macho
  •  
    •   Video
    •   Audio
    •   Docs

SIGUENOS ...
 
Matrícula
 
AULA VIRTUAL
 
CONTIDOS RELACIONADOS
 
CONTACTO
© Xunta de Galicia. Información mantida e publicada na internet pola Xunta de Galicia
Oficina de Rexistro e Información | Suxestións e queixas | Aviso legal | Atendémolo/a | RSS
Turismo de Galicia