O obxectivo destas xornadas é facilitar aos profesionais vinculados á discapacidade, en maior ou menor medida, desde un ou outro ámbito de actuación, coñecementos actualizados sobre a protección xurídica das persoas con discapacidade conforme á Convención; así como crear un foro de encontro e intercambio das entidades e profesionais que en Galicia dirixen a súa actividade ás persoas con capacidade modificada xudicialmente asumindo medidas de apoio e protección (fundamentalmente, entidades tutelares).
Poden destacarse, por tanto, como principais obxectivos destas xornadas os seguintes:
- Actualizar os coñecementos dos profesionais e entidades vinculadas ao sector en base ás últimas modificacións xurídicas que afectan á discapacidade, en especial por mor da Convención Internacional de Dereitos de Nova York.
- Mellorar as competencias dos profesionais no ámbito da protección xurídica á discapacidade.
- Facilitar información sobre modelos para o exercicio de medidas de protección xurídica desde entidades tutelares.
- Propiciar un punto de encontro entre o ámbito xurídico e o da discapacidade no que se aborden as cuestións relativas á protección xurídica.
| GAVELA1 |
Xoves, 3 de Maio de 2012.
Inauguración das Xornadas de Protección Xurídica e Discapacidade
Xoves, 3 de Maio de 2012.
A convención internacional dos dereitos das persoas con discapacidade
Marcos Vázquez Guzmán. Asesor xurídico da Fundación Gavela
Fernando Alañón Olmedo. Presidente da Audiencia Provincial de Ourense.
Xoves, 3 de Maio de 2012.
O proceso sobre a capacidade das persoas dende o punto de vista xurídico
Marta Durán Conde. Xerente da Fundación Gavela.
Florentino Delgado Ayuso. Fiscal xefe da Audiencia Provincial de Ourense.
Xoves, 3 de Maio de 2012.
A capacidade das persoas e a súa vinculación no proceso de atención desde os centros e servizos de atención á dependencia
Alfonso Díaz Lage. Secretario da Fundación Gavela.
Patricia Olveira Timiraos. Subdirectora xeral de Autorización e Inspección de Servizos Sociais. Consellería de Traballo e Benestar.
Xoves, 3 de Maio de 2012.
O exercicio de medidas de protección para persoas con discapacidade desde institucións tutelares: Fundación Tutelar de Persoas con Enfermidade Mental (FECLEM)
Alfonso Díaz Lage. Secretario de Fundación Gavela.
Luís Ignacio García Vidal. Xerente da Fundación tutelar FECLEM
Raquel Herranz Lauría. Coordinadora da Área técnica de FECLEM
Xoves, 3 de Maio de 2012.
O exercicio de medidas de protección desde unha institución tutelar pública: Fundación Pública Galega para a Tutela de Persoas Adultas (FUNGA)
Marta Durán Conde. Xerente de Fundación Gavela.
Francisco José Brea Santiago. Coordinador de FUNGA
Xoves, 3 de Maio de 2012.
Presentación de entidades tutelares en Galicia
![Acceso al aula virtual [abre en nova venta]](https://egap.xunta.gal/images/menu_lateral/banner_aula_virtual.png)
