Novas

O vicepresidente da Xunta de Galicia, Alfonso Rueda, entregou este xoves o premio Manuel Colmeiro ó doutor en Dereito Alejandro Ramón Antelo Martínez. O traballo de investigación que se recoñece leva por titulo Las verbenas populares en Galicia: régimen de intervención municipal, unha publicación que para o vicepresidente propón ideas e adxunta avances concretos dos que pode beneficiarse a sociedade galega.

A Escola Galega de Administración Pública convoca o Premio Manuel Colmeiro co gallo de fomentar e distinguir traballos de estudo e investigación sobre as Administracións territoriais, institucionais e instrumentais do sector público de Galicia.

A directora da Escola Galega de Administración Pública entregou esta mañá o Premio Manuel Colmeiro, un galardón creado en 1992 para distinguir traballos de investigación que teñen como obxecto a Administración pública de Galicia. O premiado da XX edición foi Rodrigo Pousa Diéguez, cun estudo sobre a Administración local en tres señoríos do Antigo Réxime.

A Escola presenta o informe de resultados da satisfacción coa acción formativa do ano 2016, no que se sintetizan os principais resultados obtidos sobre os niveis de satisfacción do alumnado coas actividades e co labor docente. A publicación deste informe responde ao obxectivo de favorecer a transparencia e a rendición de contas ante os empregados públicos e a cidadanía no seu conxunto.

O Instituto Universitario de Investigación García Oviedo da Universidade de Sevilla convoca a terceira edición do “Premio Internacional de Investigación Instituto García Oviedo”, que ten como obxecto fomentar a investigación e a súa difusión no ámbito do Dereito administrativo.