A Escola presenta o informe de resultados da satisfacción coa acción formativa do ano 2016, no que se sintetizan os principais resultados obtidos sobre os niveis de satisfacción do alumnado coas actividades e co labor docente. A publicación deste informe responde ao obxectivo de favorecer a transparencia e a rendición de contas ante os empregados públicos e a cidadanía no seu conxunto.
Os resultados desta avaliación recóllense nun informe froito da análise das 7.679 enquisas de satisfacción cumprimentadas polo alumnado, nas modalidades presencial e teleformación, así como das 537 enquisas cumprimentadas polos docentes e titores/as da Escola.
No documento, inclúese a valoración da formación destinada ao persoal da Administración autonómica, das entidades locais, da Administración de xustiza, do persoal de administración e servizos (PAS) das tres universidades galegas e, por primeira vez, tamén ao persoal da Administración institucional e entes instrumentais do sector público de Galicia; por canto a EGAP traballa na profesionalización e continua reciclaxe do conxunto dos empregados públicos da Comunidade Autónoma. Atendendo ás distintas metodoloxías de ensino, o informe presenta os resultados acadados para a formación presencial, a teleformación e a autoformación.
O informe completo pode consultarse
aquí.