Esta actividade formativa, á que se inscribiron 55 empregados públicos, ten como finalidade fomentar a innovación e a motivación entre os traballadores co fin de consolidar unha Administración pública máis competitiva, de calidade e á altura do que a cidadanía precisa.

Durante a inauguración Sonia Rodríguez-Campos recoñeceu aos empregados públicos non só como o principal recurso para a prestación dos servizos, senón como o factor de maior valor estratéxico dentro das organizacións para adaptarse ás novas realidades.

Ademais, sinalou este curso monográfico como unha formación esencial para potenciar as habilidades profesionais, incidindo en eidos fundamentais como a comunicación, o liderado e, especialmente, a motivación.

O curso monográfico Desafío 2020
Este curso, cunha duración de dous días, está dirixido aos empregados .das administracións públicas de Galicia, preferentemente da Administración local, e ao persoal da Administración institucional e dos entes instrumentais do sector público de Galicia.

A través de oito sesións, os alumnos recibirán formación sobre oratoria, uso das redes sociais, creación da marca persoal ou habilidades de comunicación.