A EGAP convoca un obradoiro de contratación dirixido ao persoal empregado público coa finalidade de profundar nesta materia desde un punto de vista práctico e usando técnicas de dinámica de grupo coma o role play.
Os
obxectivos desta actividade serán:
• Comprender e coñecer todas as fases do procedemento de contratación.
• Ser capaz de redactar os documentos que compoñen o expediente de contratación.
• Alertar sobre as dificultades e principais incidencias da contratación pública.
• Determinar as esixencias de solvencia de forma adecuada.
• Diferenciar os tipos de criterios de adxudicación e coñecer os riscos e posibilidades de elección dos ditos criterios.
• Ser capaz de redactar un prego de condicións e coñecer as posibles vulnerabilidades e os defectos frecuentes.
• Comprender a dificultade de redactar un modificado previsto.
• Comprender como redactar condicións especiais de execución e, en relación con iso, coñecer as novas esixencias do Real Decreto Lei 14/2019, do 31 de outubro.
• Aprender cal é o contido mínimo dun documento de contrato.
Persoas destinatarias: o persoal empregado público, en situación de servizo activo ou asimilada, das administracións públicas da Comunidade Autónoma de Galicia, dos seus entes instrumentais e das universidades do Sistema universitario de Galicia, que presten servizo en unidades de contratación e que se encadren ou no grupo A (subgrupos A1 e A2) do persoal funcionario ou nos grupos I e II do persoal laboral.
Lugar: EGAP, Santiago de Compostela.
Data: martes, 10 de decembro
Horario: de 9:00 a 14:30 horas.
Horas lectivas: seis.
Prazas: 50
Inscrición: desde as 8 horas do 26 de novembro ata as 23.55 horas do 2 de decembro en
https://egap.xunta.gal/matricula
Máis información no
DOG do 25 de novembro ou na
ficha da actividade.