A Escola Galega de Administración Pública (EGAP), en colaboración co Colexio de Enxeñeiros de Camiños, Canles e Portos de Galicia; coa Dirección Xeral de Sostibilidade e Paisaxe; e coa Dirección Xeral de Administración Local convocan un curso práctico sobre territorio e paisaxe en Galicia.
Os obxectivos deste curso son achegar ao alumnado o contido da nova Guía de estudos de impacto e integración paisaxística, describir os aspectos máis destacados das Directrices de Ordenación do Territorio e do Plan de Ordenación Territorial, coñecer a influencia dos documentos anteriores e esixencias na tramitación administrativa da avaliación ambiental de proxectos e coñecer a estrutura e o funcionamento do Instituto de Estudos do Territorio.
Esta actividade formativa está dirixida ao persoal da Administración local e autonómica de Galicia, que queiran formarse na aplicación práctica destes documentos; a técnicos que participen na redación de proxectos, que queiran ampliar os seus coñecementos sobre as DOT, o POL e coñecer a nova Guía de estudos de impacto e integración paisaxística, e a estudantes universitarios que desexen completar a súa formación en temas ambientais.
Data: 26 e 27 de marzo
Lugar: Escola Galega de Administración Pública, Santiago de Compostela
Duración: 17 horas lectivas
Horario: mañá e tarde das 9.00 ás 14.00 horas e das 16.00 ás 20.00 horas
Prazo de presentación de solicitudes: 22 de marzo
Publicación no DOG: 15 de marzo de 2012
Envío de solicitudes: http://www.ciccpgalicia.es