Escola Galega de Administración Pública
Xunta de Galicia - Vicepresidencia e Consellería de Presidencia, Administracións Públicas e Xustiza
Mapa web   |   Accesibilidade   |   Contacto
EGAP EGAPFORMACIÓN EGAP ABERTA EGAP HOXE EGAP A MÁIS

AVISO E RECOMENDACIÓN: O seu navegador web (Internet Explorer 6) está obsoleto o cal pode provocar que certos elementos se mostren descolocados ou non se carguen correctamente. Ademáis, tampouco poderá ver ben, populares webs como Youtube ou Facebook, entre outras moitas. Recomendámoslle actualizar o seu navegador nos enlaces seguintes:

Internet Explorer Mozilla Firefox Google Chrome Apple Safari Opera
  • Imagen 1 de 7  

    A Escola Galega de Administración Pública asina un convenio de colaboración coa Coordinadora Galega de ONG para o Desenvolvemento

    A Escola / Luns, 24 de setembro de 2012.

    Esta mañá a directora da Escola Galega de Administración Pública (EGAP), Sonia Rodríguez-Campos, e a presidenta da Coordinadora Galega de ONG para o Desenvolvemento, Gema Filgueira Garrido, asinaron un convenio que fará posible a colaboración entre as dúas entidades.


    Mediante a sinatura deste documento, a EGAP e a Coordinadora traballarán conxuntamente para realizar actividades formativas, de divulgación e de investigación destinadas a contribuír á cooperación ao desenvolvemento, á acción humanitaria e de emerxencia e á educación para o desenvolvemento. Deste xeito, levaranse a cabo actuacións específicas que fomenten a construción dun modelo de cooperación ao desenvolvemento de calidade e transformador para Galicia, mediante a potenciación dun espazo de intercambio e reflexión das ONGD integradas.

    En concreto, a formalización deste convenio permitiralle á Coordinadora levar a cabo unha serie de obradoiros específicos que contribuirán a mellorar a calidade da labor realizada polas ONGD galegas pertencentes a esta asociación.

    Ademais destas actividades, o convenio especifica que as modalidades de colaboración previstas poderán consistir na realización conxunta de cursos, a edición conxunta de libros, doutras publicacións e de documentos de traballo. Así mesmo, a devandita sinatura habilita a promoción da actividade investigadora de ambas as dúas institucións mediante proxectos conxuntos.
  •   Anterior Seguinte  
    Pax 78 de 733
© Xunta de Galicia. Información mantida e publicada na internet pola Xunta de Galicia
Oficina de Rexistro e Información | Suxestións e queixas | Aviso legal | Atendémolo/a | RSS
Turismo de Galicia