Eirea (European Institute of Real Estate Analysis) é unha asociación sen ánimo de lucro dedicada á formación especializada e á investigación no ámbito da análise inmobiliaria. En colaboración coa EGAP, organiza un Curso de especialistas en optimización de activos inmobiliarios das administracións públicas. Esta actividade formativa consta de catro módulos e dun proxecto de fin de curso, grazas aos cales os asistentes poderán perfeccionar os seus coñecementos no sector.

O curso lévase a cabo grazas ao convenio de colaboración asinado entre a Eirea e a EGAP, que non implica, por parte da EGAP, compromiso de gasto algún. A asociación Eirea, por propia iniciativa e como realiza normalmente en todas as súas actuacións formativas con cargo ao seu financiamento, outorga axudas para o alumnado interesado, tal e como informa na súa páxina web.

Módulos: Protocolos para a definición do proxecto residencial óptimo. Protocolos para a valoración de proxectos inmobiliarios. Protocolos para a definición do proxecto patrimonial óptimo. Protocolos para a definición do proxecto urbanístico óptimo e control de carteiras de activos.

Destinatarios: arquitectos, aparelladores, enxeñeiros, economistas e avogados
Datas: do 26 de outubro de 2012 ao 16 de febreiro de 2013
Horas: 700
Prezo: 2.450 euros