Durante o acto de inauguración, a directora da Escola destacou a importancia desta actividade formativa e divulgativa, na que se trataron os principios xerais da contratación e a tipoloxía dos contratos, así como a tramitación dos expedientes de contratación e as súas clases, con especial referencia á selección do contratista, cos seus procedementos, formas e criterios de adxudicación.

Ademais, durante os relatorios tamén se falou da execución, modificación e extinción dos contratos administrativos, as prerrogativas da Administración e a revisión de prezos; aspectos estes fundamentais para o cumprimento da prestación.

A fundamental perspectiva do control xurisdicional da contratación local e unha mesa redonda sobre a eficiencia na contratación no marco económico actual, mediante novas fórmulas de colaboración, puxeron remate a esta xornada.