Igualmente, destacan os bos resultados obtidos nos cursos de idiomas e na valoración de aspectos tales como o aumento das actividades prácticas, o axuste dos contidos impartidos aos obxectivos do curso ou a flexibilidade nas actividades de teleformación.

Ademais, cómpre resaltar que por terceiro ano consecutivo, a Escola publica o informe de resultados da avaliación integral da súa actividade formativa, o cal vén reforzar a transparencia ante os usuarios dos seus servizos.

O Informe de satisfacción coa formación impartida pola EGAP (2012) é o froito da análise das 4.880 enquisas de satisfacción do alumnado, nas modalidades presencial e teleformación, así como das 314 enquisas dos docentes da Escola.

Neste documento preséntase, dun xeito estruturado e gráfico, os principais resultados acadados, o cal lle permite á Escola achegar ideas e conclusións para a mellora a súa actividade formativa, así como adaptar a programación dos cursos ás expectativas dos participantes.