Lugar: Salón de actos da EGAP, Santiago de Compostela
Data: 12 de xuño
Hora: 17 horas
Invitación: http://egap.xunta.gal/recursos/pdf/%5B1_1370868239%5Dinvitacion_garcia_moran.pdf

García Morán, licenciado en Matemáticas pola Universidad de Sevilla e licenciado en Informática pola Universidad Politécnica de Madrid, iniciou a súa carreira como profesor e enxeñeiro informático da Universidad de Sevilla. Posteriormente, traballou durante varios anos nos departamentos de tecnoloxías da información do Ministerio de Educación y Ciencia e da Junta de Andalucía como responsable de informática de varios departamentos.

Desde a súa incorporación á Comisión Europea, en novembro de 1986, traballou na área de tecnoloxías da información, primeiro na Dirección de Informática e posteriormente na Dirección Xeral de Tradución.

No ano 2001 foi nomeado director de Informática da Dirección Xeral de Persoal e Administración. Ademais, foi responsable da creación da Dirección Xeral de Informática (DIGIT) en maio de 2004, da cal foi nomeado director xeral en novembro de 2005. Desde marzo de 2013 traballa como asesor da Comisión Europea como xefe de informática.

Así mesmo, é membro do Consello de Administración de ENISA (Axencia Europea de Seguridade da Información) e membro do GEAN do Banco Mundial (de alto nivel do Grupo E da transformación).