Durante as dúas primeiras xornadas da actividade, numerosos expertos debateron sobre as cuestións máis relevantes do tema proposto. Así, o luns Marcos Almeida ofreceu aos asistentes unha completa introdución sobre a comunicación dentro do eido administrativo, Carlos Lema deu un relatorio sobre os principios reitores da publicidade institucional e Anxo Tato centrou a súa intervención nos suxeitos publicitarios.

Finalmente, a xornada do martes estivo centrada na lexislación que afecta á publicidade institucional, onde Álvaro Porras explicou as disposicións xerais e Beatriz Patiño as leis autonómicas.

Todas estas intervencións e as que terán lugar a próxima semana poderán ser visualizadas proximamente na nosa páxina web, no apartado de EGAP Aberta.