Á inauguración desta actividade asistiron o vicepresidente da Xunta, Alfonso Rueda; a directora da EGAP, Sonia Rodríguez-Campos; Alberto Pazos, director xeral de Administración local; e Francisco López, profesor titular da Universidade de Vigo e director do curso.

Durante a presentación desta actividade, anunciou a reforma da Lei 5/1997, do 22 de xullo, reguladora da Administración local de Galicia, resaltando a vontade da Xunta de Galicia de colaborar con todos os implicados neste proceso. Además, destacou a importancia que ten nestes momentos a formación, ao converterse nun elemento fundamental para que os empregados públicos poidan realizar correctamente o seu labor diario.

Pola súa parte, Sonia Rodríguez-Campos destacou a importancia do reto ao que deberán enfrontarse as entidades municipais ante o futuro proceso de reforma e racionalización administrativa. Neste sentido, lembrou o papel esencial que xoga a formación para afrontar os cambios no eido público, coma no caso do curso inaugurado, que lles permitirá aos técnicos locais realizar de manera máis eficaz o seu traballo diario e lles facilitará a adaptación á nova normativa contable.