O dito plan, que presenta un total de 439 edicións e 20.355 prazas, supón unha clara aposta polos diferentes contornos de aprendizaxe e metodoloxías, entre os cales se atopan a autoformación, a teleformación e a docencia presencial. Así, tendo en conta o éxito acadado nos dous últimos anos, amplíase o catálogo de actividades dispoñibles na modalidade de autoformación co propósito de achegarlle a oferta formativa ao maior número de persoas, garantindo a equidade no acceso aos contidos máis demandados.

Cómpre salientar tamén o grande incremento da oferta dirixida ao persoal das entidades locais, o avance no desenvolvemento dos itinerarios para o persoal da Administración de xustiza e a convocatoria por segundo ano de actividades para o persoal de administración e servizos das universidades.

Ao igual que en anos anteriores, para poder matricularse será preciso esperar á publicación no DOG das respectivas convocatorias.