Xornadas informativas
Póñense en marcha catro xornadas informativas para dar a coñecer o novo marco normativo da atención temperá en Galicia e o protocolo de coordinación, dirixidas a empregados públicos das consellerías de Traballo e Benestar; Sanidade; e Cultura, Educación e Ordenación Universitaria que interveñan con menores de 0-6 e profesionais dos servizos sociais comunitarios básicos e específicos que interveñan con familias e menores.

As xornadas terán lugar, en horario de mañá, en Santiago de Compostela (24 de setembro), Lugo (30 de setembro), Ourense (6 de outubro) e Pontevedra (8 de outubro).

Para inscribirse será preciso presentar a solicitude a través da Zona de matrícula da EGAP ata o 31 de xullo.

Máis información na ficha do curso (CV15025).

Cursos
Ademais, a EGAP convoca un curso sobre A coordinación dos servizos sociais comunitarios, da atención primaria de saúde e do sistema educativo coa rede de atención temperá de Galicia e outro sobre O proceso de actuación en atención temperá: a intervención técnico-profesional. Ambos os dous terán lugar en Santiago de Compostela, na sede da EGAP, entre os meses de outubro e novembro.

Para inscribirse será preciso presentar a solicitude a través da Zona de matrícula da EGAP ata o 31 de xullo.

Máis información nas fichas dos cursos (CV15024 e CV15026).