A través do convenio de colaboración asinado entre a Escola Galega de Administración Pública e Mugatra Sociedade de Prevención S.L.U organízase un curso sobre prevención de riscos laborais: primeiros auxilios, loita contra incendios e evacuación.
Esta actividade vai dirixida ao persoal que presta servizos na Residencia de Tempo Libre de Panxón.
Para inscribirse no curso deberán facelo a través da
zona de matrícula da EGAP entre as 08.00 horas do día 18 de setembro e as 14.00 horas do día 23 de setembro de 2015.
Edicións: 1
Modalidade: presencial
Duración: 12 horas
Prazas: 45
Lugar: Residencia de Tempo Libre (Rúa Cansadoura, 2 (Patos)- 36350 Nigrán)
Datas e horario: 28 e 29 de setembro, de 08.30 a 14.30 horas
Para máis información poderán dirixirse a EGAP a través do número de teléfono 981 546 256.