A Escola Galega de Administración Pública e o Consello Xeral do Colexio de Secretarios, Interventores e Tesoureiros de Administración Local de España convocan un curso de actualización xurídica, económica e de xestión para funcionarios con habilitación de carácter nacional.
Este curso pretende abordar as principais novidades económicas, xurídicas e de xestión no ámbito local e de acordo coa normativa autonómica de Galicia. O obxecto do curso é ofrecer unha formación de máxima actualidade desde un punto de vista práctico, co fin de facilitar as funcións dos habilitados nacionais, en todos os ámbitos das súas responsabilidades.
Destinatarios: funcionarios da Administración local con habilitación de carácter nacional.
Edicións: unha
Modalidade: mixta (13 horas presenciais e 17 horas en teleformación)
Duración: 30 horas
Prazas: 80
Lugar: sede da EGAP, Santiago de Compostela
Datas: do 2 ao 26 de maio
Datas das sesións presenciais:
- 2 de maio: mañá: 9.00-14.30 horas; tarde: 16.00-18.00 horas
- 3 de maio: mañá: 9.00-14.30 horas
Matrícula: na
web da EGAP desde as 8 horas do 15 de abril ata as 14 horas do 22 de abril
Importe: 60 euros
Máis información na
ficha do curso ou no
DOG do 14 de abril