A EGAP convoca, en colaboración co grupo de investigación Esculca (Escola-Cultura) e a rede de investigación RIES (Rede de Inmigración, Educación e Sociedade), o II Simposio internacional aprendizaxe-servizo na universidade: coidando a aprendizaxe e o capital social dos estudantes que terá lugar en Santiago de Compostela o próximo 25 de maio.
Obxectivos: promover o coñecemento da metodoloxía da aprendizaxe-servizo como vía efectiva de innovación educativa na educación superior, estudar o impacto da aprendizaxe-servizo nas dinámicas de avaliación da calidade nas universidades europeas, examinar o grao de desenvolvemento do proceso de institucionalización da aprendizaxe-servizo nas universidades de España en xeral e de Galicia en particular e dar conta de resultados da aprendizaxe e capital social dos estudantes universitarios alcanzados na investigación.
Persoas destinatarias: profesorado das universidades do Sistema universitario de Galicia, así como persoal en formación (bolseiros/as FPI, FPU e bolseiros/as predoutorais e posdoutorais da Xunta de Galicia) e persoas interesadas en xeral.
Lugar: EGAP, rúa Madrid, 2-4, Santiago de Compostela
Data: venres, 25 de maio de 2018
Horario: de mañá e tarde
Duración: 8 horas lectivas
Inscrición: desde as 8 horas do 3 de abril ata as 23.55 horas do 16 de maio en
http://egap.xunta.gal/matricula
Máis información no
DOG do 2 de abril ou na
ficha do curso.